Kreativitet og innsats i barnehagen

Sjiraff: Barna i Øvre Eidfjord barnehage er krye av sjiraffen sin.

– Me har lært mykje om Yebo og familien hennar, seier fire fem-seks-åringer i Øvre Eidfjord barnehage og viser fram ei flott utstilling med ei afrikansk hytte, pryda med bananpalmar og ein temavegg med både utklipp og flotte kunstarbeid som dei sjølve har laga.

Dei er ekstra krye av sjiraffen dei har laga. Armeringsjarn frå Kranindustrien blei sveisa saman av Hallvard L. Vik til eit skjelett. Så grovforma dei sjiraffen med hønsenetting. Deretter sveipte dei med avispapir, dopapir og lim. Så vart detaljane forma med gips, og til slutt vart han måla i naturtru fargar. Halen har vore hoppetau.

Barnehagen samla inn over 7000 kroner til barneaksjonen.